പ്രത്യാശ

 

ഒരു ഗ്രാമത്തിലെ കർഷകൻ തന്റെ കാലികളെ മേയ്ക്കാനായി വനത്തിലേക്ക് കൊണ്ട് പോവുക പതിവായിരുന്നു,. 

വന്യമൃഗങ്ങൾ നിറഞ്ഞ കാട്ടിൽ തന്റെ കാലികളെ അവനെന്നും സുരക്ഷിതമായി കൊണ്ട്പോയികൊണ്ടിരുന്നു 

ഇങ്ങനെ  പോകവേ ഒരിക്കൽ  ഒരു പശു വഴിതെറ്റി മുന്നോട്ടു പോയി, ഈ സമയം പശുവിനെ പിന്തുടർന്ന് ഒരു സിഹവും എത്തി..... 

മുന്നോട്ടു പൊയ്ക്കൊണ്ടിരുന്ന പശു പുല്ല്‌ നിറഞ്ഞു നിൽക്കുന്ന ഒരു  ചതുപ്പ് കണ്ടു അതിലേക്കു  ഇറങ്ങി പക്ഷെ ആ ചതുപ്പിൽ മുന്നോട്ടു പോകുന്നതിനനുസരിച്ചു പശു  താഴുന്നു പോയിക്കൊണ്ടിരുന്നു. 

പശുവിനെ പിന്തുടർന്നു വന്ന  സിംഹം ഇര കുടുങ്ങിയ സന്തോഷത്തിൽ ചതുപ്പിലേയ്ക്ക് ചാടി എന്നാൽ മുന്നോട്ടു നീങ്ങുന്നതിനനുസരിച്ചു രണ്ടു പേരും ചതുപ്പിൽ താഴ്ന്നു കൊണ്ടേയിരുന്നു... 

ഇതിനിടയിൽ പശു ഒന്ന് തിരിഞ്ഞു നോക്കി തന്റെ പിന്നിൽ വരുന്ന സിംഹത്തോട് ചോദിച്ചു നീ ആരാണ്, ഇതിനു മറുപടിയായി സിംഹം പറഞ്ഞു ഞാൻ ഈ കാട്ടിലെ രാജാവായ സിഹം... 

അത് കേട്ട് പശു വീണ്ടും ചോദിച്ചു നിനക്ക് യജമാനനുണ്ടോ..? തെല്ലും ദേഷ്യതോടെ സിഹം മറുപടി പറഞ്ഞു ഞാൻ ഈ കാട്ടിലെ രാജാവും ശക്തനുമാണ് ആ എനിക്ക് ആരാണ് യജമാനനാകുന്നത്.? 

ഇതിന് മറുപടിയായി പശു പറഞ്ഞു അപ്പോൾ നിന്നെ രക്ഷിക്കാൻ ആരും വരില്ല അല്ലേ... പക്ഷെ എന്നെ രക്ഷിക്കാൻ എന്റെ യജമാനൻ വരും.... ഇത് പറഞ്ഞു തീർന്നതും കാണാതായ പശുവിനെ തിരക്കി നടന്ന കർഷകൻ ദൂരെനിന്നും തന്റെ പശുവിനെ കണ്ടു... 

ആ കർഷകൻ ചെളിയിൽ പുതഞ്ഞു കിടന്ന തന്റെ പശുവിനെ കരയ്ക്കു കയറ്റി ശരീരത്തിൽ പറ്റിയിരുന്ന ചെളി കഴുകികളഞ്ഞു.... 

അതെ ഈ വിശ്വാസം ആണ് പ്രത്യാശ.... 

ഏത് ആപത്‌ഘട്ടത്തിലും ഒരു യജമാനൻ അല്ലെങ്കിൽ ഒരു രക്ഷിതാവ് വരുമെന്നുള്ള  വിശ്വാസം.... 

ഈ മഹാവ്യാധി പെരുകുന്നകാലത്തും നമ്മളെ രക്ഷിക്കാൻ ഒരു യജമാനൻ വരും എന്ന് നമുക്കും പ്രത്യാശിക്കാം...... 

ഷിബു തങ്കച്ചൻ, ഇടമുളയ്ക്കൽ