ധനവാനും ലാസറും

ധനവാന്റെയും ലാസറിന്റെ യും കഥ, (ലൂക്കോസ് -16:19:31). ഒട്ടു മിക്ക പേർക്കും അറിവുള്ളതാണ്.
എന്നാൽ ചിന്തിക്കേണ്ടുന്ന ഒന്നാണ് എന്ത് കൊണ്ട് ലാസർ സ്വർഗ്ഗത്തിലും,  ധനവാൻ നരകത്തിലും പോയി.
അപ്പോഴേക്കും പെട്ടന്ന് നമ്മുടെ ചിന്തയിൽ  കടന്നു വരുന്ന ഉത്തരമാണ്, " ധനവാൻ സ്വർഗത്തിൽ പോകുന്നതിനേക്കാൾ എളുപ്പം, ഒട്ടകം സൂചിക്കുഴയിൽ കൂടി കടക്കുന്നതാണ് ( മത്തായി 19:24, ലൂക്കോസ് 18:25)".
ധനവാൻ ആയതുകൊണ്ടാണ്  സ്വർഗരാജ്യത്തിൽ കടക്കാഞ്ഞത് എന്നാണ് നമ്മുടെ ധാരണ, എങ്കിൽ അബ്രഹാമും, യാക്കോബും ധനവാന്മാരായിരുന്നു അവരും സ്വർഗത്തിൽ പോയില്ലേ ...

ഇവിടെ ലാസറിന്റെയും ധനവാന്റെയും കഥയിൽ, ധനവാനേ കുറിച്ച് വ്യക്‌തമായി പറയുന്നു, ധനവാൻ നീതിമാനായിരുന്നു, അവൻ യഹൂദമതാചാരപ്രകാരമുള്ള എല്ലാ കടമകളും നിറവേറ്റിയിരുന്നു.

എന്തിനേറെ പറയുന്നു തൻ്റെ പടിവാതിൽക്കൽ കഴിഞ്ഞിരുന്നു ദാരിദ്ര്യനായ ലാസറിനെതിരായി  ഒരു വാക്കുകൊണ്ടോ, നോട്ടം കൊണ്ടോ  അനീതി പ്രവർത്തിച്ചിരുന്നില്ല. എന്നിട്ടും അവസാനം അവൻ നരകത്തിലേക്ക് പോയി....

ഒരു പക്ഷെ നമ്മളും ആ ധനാവനെ പോലെയാണ്...

ധനവാൻ ചെയ്ത തെറ്റ്,  ലാസറിനെ "പരിഗണിച്ചില്ല" എന്നതാണ്,  ആ ഒരു തെറ്റ് കൊണ്ടാണ് ധനവാന് സ്വർഗം നിഷിദ്ധമായത്.

ഏറെക്കുറെ നമ്മൾ എല്ലാവരും ഇതുപോലെയാണ് കരുത്തേണ്ടവരെ നമ്മൾ പലപ്പോഴും കരുതാറില്ല....

നിത്യജീവിതത്തിൽ ഒരുപാട് ലാസർ മാർ നമ്മുടെ മുന്നിൽ വരാറുണ്ട് പക്ഷെ ആ ലാസറിനെ തിരിച്ചറിഞ്ഞു സ്വന്തം സഹോദരനെ പോലെ കരുതാൻ നമുക്ക് കഴിയാറില്ല കാരണം അവിടെ നമ്മൾ മനുഷ്യർ ആയി തീരുന്നു അല്ലെങ്കിൽ മാനുഷികമായി ചിന്തിക്കുന്നു.

പലപ്പോഴും ദാനം നൽകാനായി നമ്മുടെ കരങ്ങൾ നീളാറില്ല....
ദാനങ്ങളിൽ നമ്മുടെ കൈകൾ കുറുകി പോകുന്നു.....

ഇനിയെങ്കിലും നമ്മുടെ മുന്നിൽ വരുന്ന ഓരോ ലാസറിനെയും കൈനീട്ടി സഹായിക്കാൻ നമുക്ക് കഴിയട്ടെ....

കേൾക്കാൻ ചെവിഉള്ളവർ കേൾക്കട്ടെ
ഷിബു തങ്കച്ചൻ, ഇടമുളയ്ക്കൽ...