ഒരു സ്ത്രീ തന്റെ കുഞ്ഞിനു ജന്മം നൽകിയത് കൊണ്ട് മാത്രം അമ്മ ആകുന്നില്ല അത് കർമ്മം കൊണ്ട് കൂടി വേണം അമ്മ ആകാൻ .
അമ്മയിൽ നിന്നും മാതാവിലേക്കുള്ള അകലം വലുതാണ്.
ഒരു ശിശുവിന്റെ ആദ്യത്തെ കളരി മാതാവണ്, ആത്മീയ പരിശീലനങ്ങളും, മൂല്യബോധവും പ്രഥമമായും പ്രധാനമായും ലഭിക്കുന്നത് മാതാവിൽ നിന്നാണ്.
ഇതെഴുതുന്ന ഞാൻ തന്നെ എന്റെ മാതാവിനെ അഭിമാനത്തോടെ ഓർക്കുന്നു. ഇന്നത്തെ എന്റെ ജീവിത വിജയത്തിന് കാരണം തന്നെ എന്റെ മാതാവിന്റെ കർക്കശവും, സ്നേഹവും, നന്മ നിറഞ്ഞ സമീപനവുമാണ്.
എബ്രഹാം ലിങ്കൻ തന്റെ ജീവിതത്തിൽ മാതാവ് വരുത്തിയിട്ടുള്ള വലിയ സ്വാധിനത്തെയും, സഭാവനെയും കൃതജതാപൂർവ്വം സ്മരിക്കുന്നുണ്ട്. അദ്ദേഹം എഴുതി " ആത്മീയത പുലർത്തുന്ന ഒരു മാതാവുള്ളവൻ ഒരിക്കലും ദരിദ്രനല്ല"
വീണ്ടും അദ്ദേഹം പറയുന്നു അമ്മയുടെ നേതൃത്വത്തിൽ തിരുവചനം വായിച്ചു കൊണ്ടുള്ള കുടുംബ പ്രാർത്ഥന കാലത്തും വൈകിട്ടും ക്രമമായി ഭവനത്തിൽ നടന്നിരുന്നു .
പണ്ടൊക്കെ ഹൈന്ദവ കുടുംബങ്ങളിൽ കുടുംബം ചേർന്നുള്ള നാമജപം സന്ധ്യയാ നേരത്തു മുഴങ്ങി കേട്ടിരുന്നു , എന്നാൽ TV സീരിയലിന്റെ കടന്ന് കയറ്റത്തിൽ അതെല്ലാം നമുക്ക് അന്ന്യം നിന്നുപോയി.
ജീവിതത്തിൽ മാതാക്കളുടെ സ്വാധിനവും സൽപ്രേരണയും ഒരു വലിയ ഘടകമാണ്.
ഒരു പക്ഷെ ഇന്നത്തെ മാതാക്കൾ ഈ കാര്യത്തിൽ വിജയിക്കുന്നുണ്ടോ....
അത് അവരവർ തന്നെ ആത്മ ശോധന ചെയ്യേണ്ടതാണ്.
ഔദ്യോഗിക കർത്തവ്യങ്ങളും, അടുക്കളയിലെ ഉത്തരവാദിത്തങ്ങളും അവയോടൊപ്പം TV, facebook, whatsapp എന്നി ഒഴിച്ചുകൂടാത്ത ഘടകങ്ങളും കൂടിച്ചേരുമ്പോൾ കുട്ടികളുടെ കാര്യം ശ്രദ്ധിക്കാൻ എങ്ങനെ കഴിയും.
ഇപ്പോൾ കുട്ടികൾ ഒന്നോ രണ്ടോ മാത്രമേ ഉള്ളു എങ്കിലും വേണ്ടത്ര സമയവും ശ്രദ്ധയും അവർക്ക് വേണ്ടി നൽകാൻ കഴിയുന്നില്ല, അതിന്റെ പ്രതിഫലനം വളരുന്ന തലമുറയിൽ തന്നെ പ്രകടമാണ്.
പണ്ടൊക്കെ ഒരു മാതാവാവുക എന്നത് ഒരു സ്ത്രീയുടെ ഉൽക്കടമായ ആഗ്രഹവും പ്രാർത്ഥനയും ആയിരുന്നെങ്കിൽ ഇന്ന് മക്കൾ ഇല്ലാത്ത ജീവിതം കാംഷിക്കുന്നവരാണ് പലരും.
പണ്ടൊക്കെ ലൈംഗികത ഒരു അടക്കിപിടിച്ച വികാരം ആയിരുന്നു, ഇന്ന് സ്വന്ത കാമ സംതൃപ്തിക്കു വേണ്ടി ഒരു കൂട്ടിൽ നിന്നും മറ്റൊന്നിലേക്ക് പായുന്ന അമ്മമാരും വിരളമല്ല, സ്വന്ത മകന്റെ സഹപാഠിയുടെ കൂടെ കിടക്ക പങ്കുവച്ച അമ്മമാരെ കുറിച്ചും നമ്മൾ വായിച്ചതാണ്.
സ്വന്ത കാമ ശമനത്തിന് വേണ്ടി നൊന്തു പെറ്റ കുഞ്ഞുങ്ങളെ വരെ ബലികഴിച്ചവരും കഴിക്കാൻ നേർച്ച നേർന്നവരും നമ്മുടെ സമൂഹത്തിൽ കാണാം.
എവിടെയാണ് ഇവർക്കൊക്കെ പിഴച്ചത്......
മാതൃത്വത്തിന്റെ മഹത്വവും ഔന്നത്യവും തിരിച്ചറിയുന്നതിനോടൊപ്പം, അതിൽ അടങ്ങിയിരിക്കുന്ന കർത്തവ്യങ്ങളും ശരിയായ രീതിയിൽ നടത്തേണ്ടതുണ്ട്..
കേവലം മുലയൂട്ടുന്ന ഒരമ്മയിൽ നിന്നും സ്വന്തം മക്കളെ ഉത്തരവാദിത്തടോടെ വളർത്തുന്ന ഒരു മാതാവിലേക്കുള്ള ഒരു തിരിച്ചുവരവാണ് ഇന്നത്തെ സമൂഹത്തിനാവശ്യം.
ഷിബു തങ്കച്ചൻ, ഇടമുളക്കൽ....
"കേൾക്കാൻ ചെവി ഉള്ളവർ കേൾക്കട്ടെ "
Comments
Post a Comment